日本夜生活多姿多彩，但相信唔少Gentlemen都係聽聞過未體驗過——唔係你諗緊嗰啲涉及「床」嘅夜生活，係真係酒吧、舞會嗰種——所以相信唔少人都應該未聽過六本木有間叫「バーレスク東京 (Burlesque Tokyo)」嘅著名夜總會、亦唔知佢咃其中一名知名舞者「もも(Momo)」近來轉戰水著寫真！

「バーレスク東京」出名在於佢哋每晚都有歌舞表演，所以旗下有大量女舞者，其中就有近來轉戰水著寫真偶像、身高只有153cm嘅「もも」。佢於去年出演日本電視節目《ザ・ノンフィクション》講述自己由香取縣家鄉前往東京追夢嘅經歷而聞名，後來亦受雜誌之邀開始拍攝水著寫真，令其人氣進一步攀升，更曾經收到女Fans來訊，指自己非常憧憬「もも」嘅風格，令「もも」更有信心，要展現出比舞台表演更大膽嘅露出。

其實你去「もも」個IG望下就知佢平時都已經頗為大膽，著住泳衣內衣打出大半個心口對佢黎講乃係家常便飯，而近來嘅水著寫真露出度亦更高，令各位Fans大飽眼福。日本開關將至，或者大家要將「バーレスク東京」列入行程之中？

圖片：momo_burlesque on IG