如果要列出「理想另一半」嘅條件，除咗例牌嘅「樣靚身材正」之外，應該有唔少Gentlemen都希望對方係一個鍾意笑嘅人——畢竟大家都唔想日日對住個西口西面嘅人，係咪？但你又有冇諗過，原來呢個世界有啲女仔，唔笑個樣係靚過笑嘅呢？好似呢位「小山璃奈」咁，我覺得就係其中之一啦。

其實去年我哋已經介紹過現年19歲嘅「小山璃奈」，當年嘅佢啱啱由藝名「小山リーナ」改返做本名，同時亦啱啱離開由12歲就已經加入嘅偶像女團「MAGICAL PUNCHLINE」，希望成為演員。事隔一年回顧，佢演戲方面似乎就冇咩作品，但寫真方面反而拍過唔少，而且因為外貌與身材都相當唔錯，加上全家都係純正日本人，但就有一身天生嘅小麥色健康性感肌膚，所以知名度亦有所提升。

不過大家仔細留意，就會發現「小山璃奈」笑起上黎時，法令紋及眼紋都比較深，睇落反而唔似一個19歲嘅青春少女，反而唔笑嘅時候就有股楚楚可憐嘅動人氣質，搞到好想衝埋去同佢講「哥哥抱抱」。唔知大家又鍾意佢笑，定唔笑個樣呢？

圖川：rina_koyama_box on IG