見到標題上面寫住「三上悠亞」前隊友，相信大家都會直覺地以為今晚要介紹呢位「宮瀬なこ」係佢當年於SKE48嘅隊友——咁就證明大部人其實都唔記得三上悠亞其實曾經組過一隊日本藉韓國女子偶像團體「HONEY POPCORN」！而「宮瀬なこ」其實就係其中一員！

「宮瀬なこ」係於2019年加入HONEY POPCORN嘅新成員之一，當時佢個藝名係「Nako」。而喺再之前，佢就係以「宮瀬葵菜」之名，作為水著寫真偶像於2017年出道，曾經推出過幾隻寫真DVD，亦曾於2018年加入以「橋本梨菜」及「青山ひかる」為首嘅水著寫真偶像組合「sherbet」，不過只係逗留咗10個月左右就退團。

加入HONEY POPCORN後佢嘅演藝之路都唔太順暢，除咗因為三上悠亞等人嘅AV女優身份令佢哋被韓國封殺，加入團體後冇幾耐就遇上疫情，組合目前更處於休止狀態。不過「宮瀬なこ」於IG上就有唔錯人氣，Followers人數近10萬。另外值得一提嘅係，當我搵返佢初初出道時嘅相，同佢依家IG上面Post嘅靚相一比，個樣都有幾大分別……只能夠講女大十八變？

圖片：nacorin_official on IG