雖然話男人好簡單，有肉色部份、夠大、有罅我哋就會Like得落，但過去一段時間為大家介紹咁多性感女仔，或者大家都需要啲清新、可愛嘅臉孔清一清腸胃？如果你都係同道中人，咁以下呢個「關口Risa」就應該能夠舒緩你嘅眼睛疲勞、洗滌你個見到女仔就諗起床嘅累暗心靈啦！

先講明，「關口Risa」呢個名係我夾硬譯出黎，佢實際個名係全片假名嘅「せきぐちりさ (Sekiguchi Risa)」。上個月先滿18歲嘅佢出生於日本，目前就喺盧森堡留學當中，而喺離開日本之前，其實佢就已經有豐富嘅幕前經驗。曾經參加大型選秀比賽「Star Scout 2022」獲得準優勝、又曾經出演雲集日本美貌青少年嘅「超十代」，同時又曾經於N本少女時尚雜誌擔任模特兒，相信假以時日就會成為下一位巨星。

「せきぐちりさ」一直都係走清純可愛路線，IG上嘅相唔好講水著、內衣，就連手臂其實都冇咩見過，每張相嘅重點都係佢個可愛樣貌，而且真係好可愛！可愛到我睇咗佢啲相幾次，先發現佢來來去去都係著嗰兩件褸。