自從日本通過「AV新法」之後，坊間對於新法就展開激烈辯論，唔少生計被影響嘅AV女優亦紛紛於網上發聲，其中著名女優天使もえ日前更於Twitter舌戰長期「關注」AV業界、曾幫唔少自稱被逼拍AV嘅「受害者」打官司嘅人權律師伊藤和子，引起網民關注，更重要嘅係天使もえ竟然仲要贏咗！

これって結局はAVにくる前の場所が悪いのであって、AV業界自体は何もしてなくないです…？？
あとAVを断ると違約金ってどこの事務所で何年前の話…？もしくはそれもAV業界に入る前の段階の話では…？？噂とかじゃなくて全部証拠を出して欲しい。。 https://t.co/nvAPyhmjKV

— 天使もえAmatsuka Moe???????? (@amatsuka_moe) July 2, 2022

事情嘅開端係伊藤和子日前於Twitter轉發一名網民關於「唔少人係因為借咗錢所以由地下偶像界轉為AV」嘅帖文，並表示佢非常同意呢位網民嘅睇法，仲話有女仔因為借咗錢而被「轉賣」到AV業界，如果拒絕拍攝就要賠巨額違約金，更指希望警方取締呢啲集團。

而天使もえ就回應呢個帖文，指出啲女仔之所以會咁樣加入AV界，係因為佢之前嘅地方唔好，AV業界係冇做錯過咩事；同時佢又質問「唔拍就要賠錢」呢單嘢，究竟係邊個事務所於幾多年前發生嘅事？定只係女生進入AV業界之前遇到嘅事？希望對方可以提出證據，而唔係道聽途說。

そうですね。まず、適正AVを標榜する団体には
スカウトを介するリクルートを禁止する自主ルールを作ってほしいです
そうすれば悪徳スカウトの犠牲にあう人もかなり減ると期待します
AV業界といっても自主規制の及ばないプロダクションやメーカーも沢山あるので、しっかり取り締まってもらいたいです https://t.co/OUpS2OTX1c

— Kazuko Ito 伊藤和子(弁護士) (@KazukoIto_Law) July 2, 2022

而伊藤和子就再回應天使もえ，話佢希望標榜「合法AV」嘅團體可以禁止用星探發掘新人，佢相信可以大幅減少受害者人數；同時佢又話AV業界中亦有不自律嘅片商，希望佢哋會被取締。而天使もえ就再回應，如果真係有啲咁嘅事，唔係應該先針對相關團體咩？如果依家有唔自律嘅片商，你可以開名嗎？

伊藤和子竟然回答，「因為有好多，不如你自己去查？既然法例係國會整出黎嘅，不如你去問議員？」天使もえ反對：「自從 (經理人) 協會成立之後，就已經冇強逼拍AV嘅事件。你發起過咁多單案，但對於之後發生嘅問題及規範都冇說明的意願？我可以咁理解嗎？」而伊藤和子只係簡短地答咗句：「你去問議員啦」。

圖片：amatsuka.moe on IG

簡單黎講，就係天使もえ希望呢位發起過多次針對AV業界嘅律師拎出業界真係有問題嘅證據，結果呀律師拎唔到證據之餘仲叫佢自己搵、去搵議員，難怪網民都認為律師根本拎唔出任何證據，一切都只係佢戴住有色眼鏡去睇業界。更有人質疑佢竟然被個AV女優問到口啞啞 (雖然天使もえ係出名網上辯論高手)，究竟係咪真係有牌。