講起「惠比壽麝香葡萄」，相信大家都會記得佢係「一隊由AV女優組成嘅偶像組合」，不過其中當中有部份成員並唔係AV女優，只係寫真女星，例如我由細睇到大嘅「山中真由美」，以及今晚要介紹嘅呢位「白藤有華」咁，就係其中之一啦！

現年25歲嘅白藤有華細個時有哮喘，所以屋企人就送咗佢學游水，結果哮喘問題改善咗，同時練出一副佢自己都覺得「非常工口、非常滿意」嘅身材。後來佢因參加日本男性時裝雜誌《smart》嘅讀者模特兒獲得優秀賞，本來就打算離開大阪老家上京追夢，但佢開便利店嘅繼父就因為想留佢喺鋪頭幫手而拒絕，結果佢於學校老師及同學鼓勵之下於18歲孤身上京，更立誓永遠都唔會返老家。

隨後白藤有華於2018年加入惠比壽麝香葡萄，同年正式加入水著寫真界，至今雖然唔算大紅大紫，但都總算薄有名氣。不過惠比壽麝香葡萄已經於今月初解散，換言之白藤有華失去咗一大部份工作，唔知佢下一步會點呢？

圖片：yuka_shirafuji_ on IG