讀大學期間係唔少人人生最開心嘅時候，冇人逼你返學、冇人逼你讀書，身邊仲全部都係處於顛峰時期嘅學姐學妹，真係諗返起都覺得興奮。而以下要介紹呢位新晉寫真女星，目前都係一名大學生，但佢就好有可能係成間學校嘅大師姐——因為「林凛」已經係第七年讀大學！

1997年9月20日出世嘅林凛，今日就係佢嘅25歲生日，正常黎講就應該已經畢咗業幾年，但今年4月日本開學時佢都仲Post緊開學照，話自己即將展開第七年大學生涯，仲話自己今年真係會好好讀書，所以睇黎之前應該真係成績唔好所以先畢唔到業。但你唔好以為係因為佢嘅寫真事業阻住佢讀書呀，因為佢其實係去年12月先正式寫真出道，目前IG、Twitter加埋都係兩萬Followers，係一個不折不扣嘅新人！

由於個姓喺日本比較少見，而且輪廓睇落去有啲韓國人Feel，所以日本網民就估計林凛可能有韓國血統。但不論係咩國籍都好，可以肯定嘅係林凛有一副日本少見嘅171cm修長身材，所以佢嘅寫真亦以修長嘅美腿以及堅挺嘅Pat Pat為賣點，加上甚有睇頭嘅上圍，或者佢應提早輟學，專心發展寫真事業？

IG：rin_hayashi_