我知大家點解撳入黎，因為你哋見到「三點」呢個關鍵字嘛！好可惜，各大社交媒體都唔會容許我哋貼出真正嘅「露三點」相片；但嚴格上我又唔算係講大話喎，因為今晚要介紹嘅呢位「坂林佳奈」，佢的確係每張相都一定會露三點，只係佢嗰三點唔喺身上，而喺塊面到！

現年25歲嘅坂林佳奈出生於日本兵庫縣，自21歲起就參加AVEX旗下嘅女子偶像組合「SUPER☆GiRLS」舉行嘅徵選賽，最後成功勝出而入團出道。據知佢由中學時期就已經係田徑部嘅成員，最拿手嘅係中距離跑步，或者就係因為咁，所以佢嘅臀、腿曲線相當好睇。早前佢首次以「大人形象」為《週刊Playboy》拍攝寫真，接受訪問時話為咗想影得靚啲，仲走咗去買深田恭子嘅寫真集黎「學習」。至於學習成果啦喎，大家應該有眼見啦！