香港有唔少女星都係憑選美出道，事實上世界上亦有大量不同類型、主題嘅選美比賽，為美女們提供一個揚名嘅機會。不過「參加選美比賽」同「會紅」之間，其實係冇必然關係。好似今日要介紹嘅呢位「斎藤恭代」咁，五年前佢就已經代表緊日本出國選美，但到近年佢先真正廣為人識！

斎藤恭代出身於1996年，初中一年級就開始學習器械體操，再加上天生而成嘅高瘦身材，令佢成為同學們之間嘅名人。後來佢參加曾經出過田中麗奈等知名女演員嘅「いちご姫」選秀獲獎，並加入其偶像組合「いちご姫」。2017年，21歲嘅斎藤恭代參加「地球小姐 (Miss Earth)」日本區嘅福岡區預選，最後成功突圍參加日本區總決賽，最後更成功勝出成為日本代表。

雖然代表日本出國選美，但斎藤恭代嘅星路就未算平坦，往後幾年幾乎毫無動靜，但到2021年佢就正式發力。先係多次登上《Non-no》、《an．an》等日本知名時裝雜誌，然後再喺17LIVE與日本媒體Modelpress舉辦活動中取得優勝，最近更登上《週刊Playboy》展現173cm、九頭身嘅美妙身材。期望佢未來會有更多寫真作品畀大家欣賞啦！