黎到11月中，香港都仲係熱到夜晚要開冷氣先瞓得著，睇黎全球暖化問題真係好嚴重。但如果要講「全球暖化」帶來嘅好處，大概就係女仔可以著比堅尼嘅時間變得更長，各位男士有更多靚相可以睇。好似呢位「徳江かな」咁，11月先黎曬佢嘅比堅尼曬痕。

現年23歲嘅徳江かな自細就非常鍾意演戲，14歲就已經開始藝能活動，不過其演員之路就唔算順利，一直未有太多機會，於是佢喺2017年轉為挑戰水著寫真，首隻寫真DVD獲得Amazon同DMM兩大平台嘅銷量冠軍，令當時稚氣未除、甚至可以話有幾分「土味」嘅佢打響名堂，被稱為「平成最後的清純派」。

據徳江かな於訪問中講，當時佢去拍寫真，其實係為咗獲得人氣後轉戰戲劇，雖然依家仲未達到目標，但佢目前並無其他選擇，只能夠繼續勇往直前。事實上佢於寫真界嘅發展又的確唔錯，除咗穩定發行寫真DVD之外，仲分別於2018、2020及去年年尾推出三本個人寫真集。其實佢個人又咁性感，又鍾意演戲，好似都仲有一條路可以揀呀……？

IG：tokue_kana