咁多年黎，相信大家都喺IG睇過唔少靚女，但唔知係咪睇得多，大家有冇好似我咁，覺得睇啲大家都識嘅靚女已經滿足唔到？反而睇啲依家冇人識，但你深信佢未來會紅嘅靚女，反而更加開心？如果係咁，你就應該會好鍾意以下呢位「藤本沙羅」啦！

現年19歲嘅藤本沙羅，目前IG只有七千零個Followers，Twitter亦只係得八千零個，絕對可以話係名不經傳。而佢目前嘅最大成就，就係早前於《週刊Magazine》主辦嘅Miss Magazine選美比賽中，獲得審査員特別賞。由於Miss Magazine過去曾經捧出唔少歌手、演員以至寫真偶像，所以佢亦被視為日本演藝界潛力股之一。

目前讀緊大學嘅藤本沙羅，有15年芭蕾舞經驗，更曾經獲得出國留學嘅資格，所以身體除咗非常緊實之外，柔軟度仲相當高。再加上162cm高身材，可愛清純嘅臉蛋，相信未來一定能夠達到更高嘅位置！到時大家就可以同人講，「我好耐之前已經睇外佢」啦！