早前同大家報導過日本網民票選出黎嘅「最性感20代女星」，當中奪冠嘅雖然係今田美櫻，但我個人最愛嘅，其實係排第二嘅有村架純。不過有村架純近年已經好少拍攝水著寫真，咁除咗重溫啲舊相之外，仲有冇咩代替方案？答案係「有」，而個方法就叫做「小日向ゆか」！

其實去年我哋就已經為大家介紹過「小日向ゆか」。呢位現年25歲嘅寫真女星，細細個就已經想做模特兒，曾經試過瞞住阿媽去參加雜誌選秀，成功通過後卻因為媽媽強烈反對而作罷。眼見身邊嘅朋友都結婚，最後佢於姐姐嘅鼓勵下離家出走，去東京同姐姐一齊住，開始擔任Show Girl等工作，最後於2021年2月，於《Friday》上拍攝首輯寫真而出道。而當時嘅佢，就係個樣好似有村架純，而身材係更好嘅F Cup而打響名堂！

事隔一年有多，小日向ゆか已經成功於日本寫真界站穩陣腳，不單止為多本青少年雜誌拍攝寫真，更於9月推出首本個人寫真集。最近亦有首部主演電影《はじめてのオーディション》上映，事業發展頗為順利。更值得稱讚嘅，係佢並無因為自己越黎越紅而開始鍚身，拍攝尺度甚至有增無減，絕對誠意十足！

IG：mogmog_yukappy