今晚要介紹呢位「澄田綾乃」，其實我哋於2021年時亦同大家介紹過，而當時嘅佢有著一頭清爽短髮，身材更被日本傳媒稱「神的傑作」。而黎到2023年，佢唔單止換上更有女人味嘅長髮，個朵亦改成「令和最強凹凸身材」，更會於本週六推出首本個人寫真集。就襯呢個機會同大家睇下佢嘅新相啦！

澄田綾乃將會於本週日迎來24歲生日，而生日前夕嘅23號，就係佢加入寫真界兩年來首次推出個人寫真集嘅大日子。澄田綾乃最早於2019年以偶像團體身份出道，但團體於2021年解散之後，佢就轉職成為寫真女星，出道後即為著名青少年雜誌《週列Playboy》及《週刊Young Jump》拍攝封面寫真，成功打響名堂。

出道初期嘅澄田綾乃，以一頭及肩短髮示人，後來更有越剪越短嘅傾向，展現青春爽朗感之餘，亦令大家可以更集中欣賞佢嘅F Cup身材。不過近年佢就開始慢慢留長頭髮，女性嫵媚感湧現，身材亦更見結實，所以個朵都改咗做「令和最強凹凸身材」。而佢黎緊會推出嘅寫真集，更會挑戰出道以來嘅最大露出尺度，各位可以期待一下啦！

IG：nonnon112620