日本對於混血外貌嘅女仔，素來都有所偏愛，而近日就有一位本來係時尚雜誌模特兒嘅混血風美女「徳本夏恵」，推出首本個人寫真集，而且一黎就已經出動到半裸上陣以手遮胸嘅噴血「手Bra」甫士，效果非常驚艷。

現年24歲嘅徳本夏恵，係一位出身於日本大阪府嘅「混血風美女」。之所以話係「混血風」而唔係直接「混血」，係因為我搵唔到關於佢夫母嘅資料。但反正靚到好似個公仔咁嘅徳本夏恵，早於17歲時就成為日本少女時尚雜誌《Popteen》嘅專屬模特兒，後來更參加AbemaTV舉行嘅配對節目，並成功與男演員那須泰斗發展成戀人，仲試過情侶檔行時裝騷添。

後來於2020年，徳本夏恵先宣佈與男友分手，後來更與原來嘅經理人公司解約，轉投TRUSTAR公司，成為知名寫真女星今野杏南、長澤茉里奈等人嘅師妹，上月尾更推出首本個人寫真集，一展曼妙身材。不過值得一提嘅係，徳本夏恵目前尚未與一眾青少年雜誌合作拍攝寫真或封面，所以未來係咪會主力於寫真界發展呢，都仲係未知之數黎。

IG：nachos_kimono