今日要介紹嘅呢位「上田操」，其實早於2019年時我哋就已經介紹過，咁點解依家又再介紹多一次呢？純粹就係因為佢由早年嘅清爽短髮，換成一頭「黑長直」，女人味大增。況且老套講句，好波不妨一睇再睇呀嘛！

唔好睇上田操身高只得147cm，而且個樣仲非常童顏，你就以為佢係一個「妹妹」，實際上1994年出世嘅佢，上個月就已經正式29歲，步入輕熟女嘅階段。喺日本立教大學心理學系畢業嘅佢，其實由2016年起就已經做緊日劇嘅「茄喱啡」角色，不過真正令佢紅起黎嘅，係2018年時佢為日本一個交友App拍攝廣告，結果因為太可愛而成為日本網上熱話，亦令佢事業正式起飛，演員、聲優都有涉獵。

當年「交友App廣告」後，佢就已經獲得《週刊Playboy》邀請拍攝寫真，正式寫真出道。而今年1月時佢再次為《週刊Young Jump》拍攝寫真，結果反應超好，搞到集英社即刻搵佢加碼拍多輯，可見佢於寫真界相當有市場，唔知佢黎緊又會唔會放多啲時間喺寫真界呢？

IG：mso_k_0423