文青有一位facebook朋友，本來就係一名嬌的的嘅小女生，但自從一年前愛上做瑜珈之後，唔單止練出一身橫練嘅肌肉，更加鍾意到無論去到邊個國家，都會喺啲著名景點前攤開張瑜珈墊，一頭就棟落去(請怒文青無知，瑜珈動作呢家嘢我識條鐵，名都講唔出)。其他女友人見到就大讚好Fit好有型，仲話男仔一定好鍾意咁話。

計我話，講得出呢句嘢，證明佢根本唔明男人諗咩。好簡單，睇下呢位戰鬥民族女仔Julia Vins就明。

因為人家嘅唔係脂肪，而係一堆堆想撲出黎咬人嘅肌肉！

根據Julia接受訪問時所講，佢係兩年前先開始健身，依家已經可以硬舉起180kg重物，幾乎係兩個半文青咁重。而其實佢由細到大都係走「文藝班長風」，即係成績好、識音樂、學畫畫同好柔弱，但佢就覺得呢啲唔係佢自己想做嘅嘢。於是，覺得好迷失嘅佢喺15歲時就決定去做運動，希望可以增加自信，最後被教練發現佢有舉重嘅潛質，於是開始接受職業訓練。2014年更加以破世界紀錄成績贏得世界舉重錦標。

近日仲獲邀參加大陸綜藝節目《天天向上》