日本女星有村架純係唔少人嘅夢中情人，不過一來佢近年已經甚少拍水著寫真，二來平心而論佢嘅身材亦唔算太有睇頭，所以近年寫真界就不約而同地出現幾個「肉地版有村架純」以填補「市場空缺」，其中就有今日為大家介紹嘅呢位「ちとせよしの」啦！

現年23歲嘅「ちとせよしの」，出生於佐賀縣神埼市。據報佢細個時其實好驚影相，不過高中三年級時接觸咗Cosplay，於是慢慢習慣面對鏡頭。高中畢業後佢曾因媽媽介紹，而去咗當地一間鋼鐵工廠做文員，後來因為有東京事務所睇到佢IG上嘅相，所以邀請佢間中去東京開始寫真活動。

不過出道後亦曾遇過唔少風波，例如曾經因為官方資料寫佢「腰圍62cm、上圍100cm」，但於電視節目實際量度就係「腰圍62cm、上圍97cm」而被指控造假，更有人要求佢引退。另外由於佢同有村架純有幾分相似，所以出道時以「H Cup有村架純」之名製造話題，但就有人刻薄地話佢係「二樓跌落街之後嘅有村架純」、「被人打咗100拳之後嘅有村架純」，更曾被傳媒問及「乳頭顏色」等粗俗問題。

好在「ちとせよしの」並無放棄，經過多年努力佢已經站穩陣腳，IG、YouTube、Twitter上都有幾十萬人Follow，寫真DVD同雜誌寫真更係長出長有。相信未來嘅事業發展一定會更好！

IG：chitose_yoshino