過往我哋介紹其他日本女仔時，會用到「上京」呢個字，咁係因為東京始終係日本最繁華、最商業嘅城市，所以要發展演藝事業，去東京可以話係第一步。不過其實日本都有唔少地區偶像團體，本來只係於縣內活動，但就憑實力進入全國人民目光。好似今日要介紹呢位「大白桃子」就係一個成功例子啦！

下個月初就滿20歲嘅「大白桃子」，係日本靜岡縣偶像團體「fishbowl」嘅成員之一。「fishbowl」嘅特色係四名成員都係靜岡本地人，而且係透靜岡電視台舉行嘅選秀節目被選出，最終組成四人團體出道，而且每個成員都獲得不同嘅靜岡縣企業、市政府支持，可以話係成個縣嘅門面。

而「大白桃子」就被稱為團體中嘅「人氣no.1美女」，唔單止紅出靜岡縣，近來更先開始為日本青少年週刊拍攝水著寫真，盡情展露人如其名嘅又「大」又「白」好身材。唔少人仲睇好佢未來能於寫真界佔一席之地，唔知大家又點睇呢？

IG：momo_fishbowl