日本山形縣最出名嘅雪景，無論係藏王冰樹定係銀山溫泉，都係與雪息息相關。而今日要同大家介紹嘅呢位「月なぎさ」，就係一名來自山形縣嘅女子偶像團體成員，近來佢更為《週刊Playboy》拍攝寫真，露出如家鄉雪景一樣又白又滑嘅肌膚添！

現年20歲嘅「月なぎさ」，係女子偶像團體「#よーよーよー」嘅成員之一。據佢接受訪問時回憶，由於爸爸媽媽都係滑雪選手，所以佢細細個就已經學緊單板滑雪，冬天時更加每日都喺滑雪場中渡過。當時雖然媽媽希望佢都可以繼承衣缽，但佢就自覺能力未夠，加上佢想做一位聲優或者主播，所以後來就放棄滑雪入讀主播學校。但佢讀咗一年高中就決定綴學，並開始開始一路兼職，一路週遊全國參加試鏡，結果於18歲時成功通過偶像組合嘅試鏡，而搬到東京發展。

去到東京後，佢入住一間月租僅為3萬Yen (約HKD$1,700)、連洗衣機都放唔到嘅小公寓，並開始自己嘅演藝之路。到去年佢加入「#よーよーよー」終於成功獲得大眾注意，最近為《週Play》拍攝嘅寫真更令佢人氣大漲。而佢個IG上亦有唔少相當清涼嘅自拍照。大家有興趣嘅話就要Follow佢啦。

IG：n_hime41