想當年橋本環奈BB憑「千年一遇美少女」之名走紅後，日本傳媒就曾經用過一系列「N年一遇」稱號，咩「二千年一遇」、「萬年一遇」甚至「光年一遇」都曾經用過，係後來因為玩到爛咗先冇再用。不過，近排就被我發現有個叫「花咲ひより」嘅女仔，再次被日本傳媒冠以「千年一遇」之名，咁一係就日本傳媒已經諗唔到新名，一係就係「花咲ひより」的確有過人之處！

現年21歲嘅「花咲ひより」，係日本女子偶像團體「ネコプラpixx.」嘅成員之一。自從2021年佢推出首本個人寫真集《Metamorphose》以來，佢就被日本傳媒稱為「千年一遇童顏巨乳」。「童顏」嘅部份大家睇相應該都感受到，至於「巨乳」嘅部份，官方數字就係「36G」，加上佢身高僅有152cm，令視覺效果更為震撼！

而且佢嘅寫真成績亦非常好，例如《Metamorphose》就曾登上Oricon嘅週間銷售榜第四名，去年推出嘅第二本寫真集《《Metamorphose 2.0》更加好賣到要再版。同時佢亦深受日本雜誌《FLASH》嘅愛戴，短短一年多啲嘅時間已經先後5次為《FLASH》拍攝寫真，當然亦證明佢嘅「巨大」吸引力！唔知各位又覺得佢揹唔揹得起「千年一遇」呢個朵呢？

IG：hiyori_hanasaki_