近年韓國製作嘅戀愛綜藝吸引到唔少觀眾，部份參演者甚至一躍成為明星名人。不過要講戀愛節目，其實日本亦都唔少，甚至可以話歷史更為悠久，佢哋甚至會製作以高中生戀愛為主題嘅節目。而今晚要介紹嘅呢位「高橋かの」，就係喺呢個節目出身嘅「學生情人」啦！

卻說日本ABEMA於2017年起製作一系列以高中生為出演者，講述青春戀愛嘅節目《今日、好きになりました (今日，喜歡上你)》，隨後再邀請高中畢業後嘅參演者製作續篇《明日も好きでいて、いいですか？ (明日都喜歡你，可以嗎？)》。而今日要介紹嘅「高橋かの」，當年就係以本名「「高橋香乃」參加而為人熟知。

據佢於訪問中透露，其實佢由四歲起就已經於媽媽嘅鼓勵 (強逼) 之下開始做兒童模特兒，後來學咗十年芭蕾、Hip Hop等各種舞蹈，更曾經加入過偶像團體。對於出演後《今》後人氣爆漲，佢就表示雖然非常感謝，但就認為大家可能只係鍾意個節目，又或節目中嘅佢，所以未來會更加努力工作，令大家喜歡上佢本人。

而自去年9月開始，「高橋かの」亦開始踏足寫真界，除咗展現出佢當初就為人熟知嘅可愛面孔，更盡情露出北海道人嘅雪白肌膚，加上頗有睇頭而且感覺軟綿綿嘅好身材，成功令人氣再進一步。佢話未來希望可以做到地上波電視台嘅節目主持，為大家介紹北海道嘅美景同美食，亦會繼續拍攝更多寫真供大家欣賞！大家可以期待下佢未來嘅發展啦！

IG：kano0825