如果你細個有睇開動畫，相信應該會對「つづく」呢個日文相當熟悉。「つづく」其實就係「待續」嘅意思，以往經常出現於每集動畫完結前嘅最後一個畫面，久而久知大家一見到「つづく」就知又要等聽日先有得睇。不過今晚要介紹呢個「つづく」，大家就可以不停睇，因為佢係一個日本性感Coser黎！

如果你就咁睇「つづく」個只有一萬追蹤嘅IG，你或者會以為佢係一個名不經傳嘅新人Coser，但其實佢早於2016年就已經開始於Twitter活躍，至今Twitter上更有近19萬Fans，絕對係日本Cosplay圈中有頭有面嘅人。而佢嘅最大賣點，就係有一對又大又圓又水注注，日文叫做「クリクリおめめ」嘅大眼睛，以及同樣可以稱為「好大一對」嘅豐滿身材，加上佢性感得黎又唔算太俗氣嘅Cosplay風格，難怪深得一眾宅男喜愛啦！

而近來「つづく」亦似乎有機會進佔寫真界。佢先於5月時以性感Cosplay服為《Young Animal》拍攝首次雜誌寫真，近日又再以較為「傳統」嘅水著寫真登上《Young Dragon Age》。或者大家未來就有機會見到佢Cosplay以外嘅更多面貌啦！

IG：tzk_continued