作為日本女子偶像天團，AKB48嘅總監督之位素來都係整團嘅「門面」，人氣、外貌都一定要係上上之選。而隨住第二代總監督「橫山由依」於2019年退團，當時年僅21歲嘅「向井地美音」就成為第三代監督，今年更加已經係佢入團十週年，更會推出首本個人寫真集做紀念添！

現年25歲嘅「向井地美音」係童星出身，甚而早於一歲時就已經開始拍戲，一路直到小學5年級為咗專注學業而暫時休息，到中學時先再次「復出」。後來佢因為朋友介紹而成為AKB48嘅Fans，再於2013年通過選拔入團，開始其偶像生涯。而佢於團內嘅發展亦非常順利，人氣節節上升之餘，間中為雜誌拍攝嘅寫真亦廣受好評，最終於2019年接過總監督之位。

而即將於7月20日推出嘅寫真集《胸騒ぎの正体》，就係其出道以來首本個人寫真集，亦可能係最後一本，據知寫真集嘅內容、服裝、排版等等都係由佢本人主理，更去到沖繩石垣島拍攝，展現出佢嬌小 (150cm) 但有料嘅好身材！近日《週刊Playboy》亦刊登咗部份寫真，都真係幾吸引架！

IG：___mion.m