香港地方細、租金貴，加上交通網絡都算係幾發達，所以唔少人為咗慳錢 (亦貪有阿媽幫手做家務啦下) 唔到結婚都會繼續同屋企人住。但其實獨居係一個非常好嘅體驗，而且有一種特別嘅魅力，試過真係未必返到轉頭。你話你唔知個魅力喺邊？咁你可能就要睇下「大西桃香」黎緊出嘅寫真集啦。

現年25歲嘅「大西桃香」其實 (又) 係AKB48嘅成員之一。佢2014年時以奈良縣代表加入AKB Team 8正式出道，往後一直努力積累人氣。例如佢由2016年開始，就每日朝早5點半準時開直播同Fans互動，故有「五點半的女孩」之稱，一路堅持到2018年先因為工作繁忙先放棄，但只係放棄咗「朝早5點半」嘅部份，台就繼續堅持每日都開。

努力自然有回報，2018年AKB最後一次舉行總選時，佢就首次進入榜單排第38名；同年推出首本個人寫真集《夢の叶えかた》亦頗受好評，於是今年再接再勵，將於本月20日推出第二本寫真集《桃の眺め方》，個主題就係「獨自上京居住的各種情緒」。為咗宣傳佢當然亦不能免俗地幫雜誌影咗啲宣傳寫真，大家睇完又會唔會入手佢本寫真集呢？

IG：momo0920_official