雖然話日本嘅性感寫真風氣濃厚，大部份女星或多或少都影過下雜誌寫真、出過下寫真集、寫真DVD，但如果講到非AV女優推出全褓寫真，其實係一件非常罕見嘅事。但今晚要介紹嘅呢位「前田美里」就決定於今月下旬推出全裸寫真，究竟佢係為咗啲咩呢？

(先旨聲明，礙於尺度關係，下面係唔會有全裸嘅相，想睇就自己去Search)

現年27歲嘅「前田美里」早於2011出道，但佢嘅演藝事業都可以話係一波幾折。當年佢本來以Rock Band 「AppleTale」成員出道，但團體只係活躍咗兩年就解散；之後佢又參加過偶像組合「Snow Drops」，結果玩咗兩年又解散。2017佢離開原經理人公司成為自由身藝人，但幾乎成年都冇任何工作，直到2018年先簽到新公司，隨即就轉型為寫真女星，推出過多隻寫真DVD。

「前田美里」近日接受訪問時，就提到出道13年以來，其實面對過唔少唔順心嘅事。所以當2020年佢再次轉為自由身藝人時，就毅然決定嘗試更多唔同嘅改變。而其中一個嘗試，就係會於九月尾推出人生首本全裸寫真集《記憶の雫》，近日亦為《FRIDAY》、《FLASH》等雜誌拍攝同樣全裸嘅宣傳寫真。衰啲講佢今次出寫真，頗有「盡地一煲」嘅味道，咁唔知大家會鼎力支持呀，定係希望佢會試尺度更大嘅「新嘗試」呢？

IG：maeda_misato