如果我哋話有個女仔係「Baby Face」，大家第一時間都係覺得佢係可可愛愛、嬌嬌小小、活活潑潑，好似個妹妹咁嘅小女孩，但近日日本寫真界就出咗個「大瀧沙羅」嘅新人，雖然佢都係「Baby Face」，但就係「衝擊的Baby Face」，咁佢同其他Baby Face又有咩唔同呢？又係咪好突出所以先「衝擊」呢？今晚就同大家睇下。

「大瀧沙羅」去年年尾先啱啱滿18歲，更係今年3月先正式出道成為寫真女優，可以話係新鮮滾熱辣嘅寫真新人。如果睇相，相信大家都會認同塊面略顯圓潤嘅佢，的確係一個「Baby Face」黎。而佢之所以被日本媒體稱為「衝擊的Baby Face」，就係因為佢除咗塊面之外，其他地方都幾唔「Baby」，例如佢身高有成168cm，日本女仔黎講算係非常高，而且聲音低沉、性格沉穩，一啲都唔似啱啱中學畢業出社會嘅新人。

至於身材方面，佢亦同樣「唔Baby」。據佢接受訪問時表示，中學時期每次上游水堂時，同學都會讚賞佢嘅好身材，仲係咁叫佢去做寫真女星。結果到去年年尾佢於街上被星探發掘後，公司問佢演員、模特兒同寫真想做邊樣，佢都二話不說就揀咗拍寫真。結果就真係一炮而紅！某程度上我哋都要多謝佢班同學呢！

IG：sara_1206insta