我成日都話日本傳媒喺介紹啲新人女星時，好鍾意幫佢哋「起朵」，而個「朵」越誇張，就證明傳媒越睇好佢嘅發展。但有時個「朵」好普通，亦唔代表呢個新人無吸引之處，反而可能係佢吸引之處真係好簡單。好似今晚要為大家介紹嘅呢位「汐見まとい」，佢個「朵」就係極普通嘅「真係太靚」，原因，就係佢真係好~靚！

現年22歲嘅「汐見まとい」，係去年成立嘅新人女子偶像團體「yosugala」嘅成員之一。團體出道後憑住超有活力嘅現場表演虜獲唔少Fans，而「汐見まとい」更憑住驚人美貌一舉成名，網絡上對佢嘅評價就係「真係好靚」同「笑得好靚」，可見其吸引力單純得黎亦非常強大。

事實上「汐見まとい」嘅美貌早於佢出道之前就已經發揮威力。話說佢曾於朋友介紹下去咗間「主題Cafe (大概係女僕Cafe，但唔行女僕主題)」打工，當時就已經吸引到大量Fans逼爆間鋪。亦正正係因為客人太多，佢自問冇辦法照顧到所有人，所以佢先決定加入偶像團體，等大家有更多機會見到佢。呢啲咪就係人美心善囉！

IG：matoi_ysgl