「炎上」一詞源自日本，係指有人做咗啲極具爭議性嘅事而被廣泛批評，但正正由於一旦「炎上」就能吸引到大量流量，所以「炎上」又有可能成為爆紅嘅契機。好似今晚要為大家介紹嘅呢位「あみち」，就係因為「炎上」而為人認識。

話說於「あみち」本名「鈴木亞美」，兩年前17歲時已經係個於TikTok擁有56萬Fans嘅網紅，但當時因為與前男友嘅「私密影片」被流出而「炎上」(我都搵唔到，唔好問Link)。近日佢接受《週刊Playboy》訪問時，就提到當時非常傷心，覺得自己未來都嫁唔出，更曾一度諗過輕生。但後來就驚覺，如果當時真係放棄生命，佢就只係一個「因為炎上而死」嘅女仔，唯有繼續生存，大家先會認識到真正嘅佢。

事實上佢之後亦努力發展社交媒體上嘅人氣，到目前為止TikTok追蹤人數已突破百萬。今年9月時更推出首本個人寫真集，當中不乏內衣上陣嘅性感寫真，展現出青春豐滿身材。近日佢亦為《週刊Playboy》拍攝寫真，進一步打入主流媒體。希望未來佢嘅生活都順順利利，影多啲靚相畀大家欣賞啦。

IG：ami_._._suzuki