日本之所以能夠成為寫真大國，主要係因為佢哋嘅寫真風氣非常旺盛，而最能體現呢股風氣嘅，就係幾乎每年，每個大型出版社，甚至同一個出版社旗下嘅不同雜誌，都會舉行水著寫真女星嘅選美比賽。好似集英社旗下嘅《Young Jump》就會舉行以制服美少女為主題嘅「制コレ (製服Collection)」。而今日要介紹嘅呢位「麻生果恩」，就係去年嘅「水著寫真賞」得主！

「麻生果恩」出生於日本福岡縣，去年參加比賽時仲係讀緊高中三年級，今年5月先啱啱19歲，可謂正值青春年華。不過由於佢參選前除咗個人社交媒體之外，幾乎冇任何其他公開資料，所以關於佢嘅個人情報極為罕見。目前淨係知道佢屬於日本著名經理人公司「LesPros Entertainment」旗下，係內田理央、川島海荷等人嘅師妹。

不過單從佢拎到「水著寫真賞」都可以估到，佢嘅最大賣點之一就係身材。事實上佢去年奪獎後亦曾多次為《Young Jump》拍攝寫真，展現167cm身高、均秤得黎又有啲睇頭嘅少女身段，而佢嘅個人IG亦有唔少泳裝靚相，確係幾有睇頭。希望佢未來可以有多曝光機會，等大家深入了解下佢啦。

IG：aso.kaon