可能好多人會覺得「夢想」呢家嘢係十令歲嘅青少年專利，當人慢慢長大面對現實，好多時「夢想」就只會停留於「夢」嘅部份。但今晚要介紹嘅呢位「橘舞」就唔係咁諗，夢想係做藝人嘅佢，雖然一度向現實低頭去咗返工，但最後佢都把握機會衝破障礙，仲只係用短短一年時間成於寫真界闖出人氣！

喺其他寫真女星可能15、6歲就出道嘅年代，「橘舞」去年先以27歲出道，絕對算得上係「年長」。其實佢自細就已經想入行，只係當時苦無機會，唯有向現實低頭去咗做其他創作者嘅經理人。直到去年佢先毅然決定辭職追夢，隨即於時隔8年復辦嘅《Miss Young Animal 2022》中獲得審查員特別員賞，再於同年《Miss Flash》中透過敗部復活賽晉級，最終贏得冠軍，成為第十七代「Miss Flash」。其人氣亦隨住參賽期間不停有寫真見街而節節上升，目前已經於寫真界佔一席之地。

能夠於一年內爆紅，「橘舞」當然有佢嘅過人之處。首先就係因為年紀較大，所以佢能夠以更性感誘人嘅風格拍攝，令佢於一眾「妹妹」之中突圍而出，但更重要嘅亦係佢本身嘅條件。佢入行前練過16年芭蕾舞，並將一身柔軟身材活用於寫真之中，Y字開腳、I字開腳對佢黎講都毫無難度，再配上164cm身高、F Cup好身材，締造出非常養眼嘅景色。相信佢未來發展只會更加順利！

IG：maitachibana_official