{ SKIP }
文:MenClub 魏文青  
POSTED ON 17 Nov 2023

唔少男人去到日本,都會想親身幫襯下傳說中嘅「陪酒女郎 (キャバ嬢)」,但最終絕大部份人都係得個諗字。點解呀?一來當然因為我哋都係正直嘅好男人啦!二來就係去幫襯陪酒女郎嘅門檻非常高,除咗日文要好之外,仲要荷包夠深!好似近日被稱為「令和第一陪酒女郎」,已經紅到進入大眾目光嘅「ひめか」宣佈引退,最後兩日返工嘅業績竟然高達1.1億Yen,你就知道平時去幫襯嘅人究竟使幾多錢啦!

目前23歲嘅「ひめか」其實出身於富裕之家,據知佢從小就住豪宅、有名車接送返學放學,家人甚至早早為佢安排出國讀書。但「ひめか」抗拒父母安排,於15歲以「體驗平凡生活」之名決定綴學,走咗去大阪某間烤肉店打工,再因緣際會下轉做陪酒女郎,憑其高尚出身、出色外表以及溫柔性格,短短三個月就已經成為店內紅牌,就算只係「賣藝不賣身」都能吸引到大量有錢人幫襯,真正地「日進斗金」。更因為佢擁有過百萬Hermes、Chanel等名牌袋,家中有如博物館而多次獲得傳媒報導,甚至仲行過Fashion Show,令一般大眾都知道佢係邊個。情況就等如「最強牛郎」羅蘭已經唔再只係牛郎一樣。

但你唔好以為佢係貪慕虛名嘅膚淺之人,據佢接受訪問時透露,雖然佢絕對有能力成身名牌,但私底下最鍾意著嘅依然係GU同Uniqlo,放假時亦繼續同以往認識嘅朋友遊玩,絕非飛上枝頭就唔識人嘅女子。而早前佢於X (Twitter) 宣佈,為咗繼續體驗生活,所以決定從陪酒女郎事業中引退,尋找新嘅目標。而佢最後返工嘅兩日,就吸引大量恩客到訪為其餞行,最終開咗價值超過1.1億Yen (約HK$580萬) 嘅香檳,非常誇張。

目前佢就冇講所謂嘅新目標係咩,而過往佢亦曾受邀為雜誌拍攝水著寫真,唔知佢有冇興趣往寫真之路發展呢?

IG:hmk_queen

話說早兩日介紹「鈴原りこ」時,我曾經提到佢拎過日本試鏡社交平台「mysta」嘅票選第四名,而當時亦係我第一次知道原來有個咁嘅平台。咁本住為一眾香港男士服務嘅心,我當然就立即下載落黎睇下,然後就被我搵到以下 ...
girls
【深夜】未被發現的樸玉 Miss Secret 2024候補生「杏実」
08 Dec 2023
日本慶應義塾大學乃係日本傳統名校,除咗曾有多位畢業生後來成為政商界名人之外,仲有好多入咗娛樂圈、新聞主播界發展。亦因為學校本身太過出名,藝人只要冠上「慶應出身」呢個頭銜本身就係一個賣點。而今晚要介紹嘅 ...
girls
【深夜】元慶應大學畢業OL 「水瀬はるか」人氣急升辭職拍寫真
07 Dec 2023