一個新人要於日本寫真界取得成功，除咗要依賴佢本身嘅「硬件」之外，其實仲需要好多其他因素配合，例如本身有冇特別嘅資歷，可能打過咩工、做過Model偶像等，有嘅話就更容易吸引到雜誌為你製造話題。而今日要介紹嘅呢位「あんもち。」其實就有齊哂「硬件」、「軟件」兩點，但就唔知點解出道咗大半年都係藉藉無聞，各位不如又仔細睇下佢啲相，分析下個原因？

雖然「あんもち。」身高只有158cm，而且上圍僅得28吋，乃係不折不扣嘅蘿莉身型，但根據日本娛樂雜誌《Entame》，亦係「あんもち。」去年4月出道以來唯一一次雜誌寫真加訪問中表示，「あんもち。」係1998年12月26日出世，即係舊年年尾過咗25歲生日，以寫真新人黎講年齡絕對唔細。而且雖然身材偏瘦、偏矮，但佢身材比例非常好，號稱「奇蹟的八頭身」，理論上係有一定市場。

而論資歷，無論係上述嘅雜誌報導定係佢自己個X（Twitter）都寫明佢係「前家庭教師」加「前偶像」，其實淨係「前偶像」呢個身份都足夠啲雜誌大寫特寫，但偏偏大家都避重就輕，神神秘秘咁連前團體邊個都唔講，結果就造成「「あんもち。」一手好牌，但出道成年都冇咩見報。就連IG及X都只係得幾千人Follow。

其實睇返佢X上嘅更新，可以知道佢係舊年年頭開設新嘅X及IG、往後一直努力參加水著攝影會。但或者係因為缺乏大型經理人公司幫手，所以去到今年1月先推出到自己首隻寫真DVD，叫做正式寫真出道。唔知各位又覺得佢有冇繼續走紅嘅潛力呢？

IG：an_mochichan