早兩日同朋友講起，雖然「2000年」對大家黎講未必係個好久遠嘅年份，但其實2000年代出世嘅「年輕人」，今年都起碼廿歲，講真都唔算「年輕」。事實上所謂嘅「Z世代」近年已經成為日本寫真界嘅主力，好似今晚同大家介紹嘅呢位運動風美女「大槻アイリ」，就係其中之一啦。

2001年10月10日出生嘅「大槻アイリ」來自日本埼玉縣，身高164cm嘅佢中學時期就已經係個跨欄健將，同時亦令佢擁有一副纖瘦結實嘅體態，所以早早就簽咗經理人公司開始模特兒工作。2019年時，佢更參加Abema TV嘅著名高校生戀愛綜藝——無錯，就係近年捧紅過N位年輕女新人嘅「今日、好きになりました」嘅第19彈濟州島篇，人氣再進一步。

去年11月「大槻アイリ」亦跳脫本來嘅「女性向」形象，首次為《週刊Playboy》獻出自己嘅初寫真，憑住王道美貌加上腹肌美腿成功吸睛。訪問中佢仲提到自己其實係漫畫愛好者，《One Piece》期期都有儲、《少年Jump》亦係個個禮拜都買，展示出與平時形象不同嘅反差感。近日佢又再為《Young Jump》拍攝人生第二套水著寫真，效果一樣吸引。或者會成為新一代嘅美腿代表啦。

IG：airi_otsuki