話說日本有一種寫真女星定位，叫做「ミニマムグラマラス」（簡稱ミニグラ），當中「ミニマム」即Minimum，意指呢位女星身材嬌小；「グラマラス」即Glamorus，通常係指身材豐滿，兩者相加即係「又細又大」、直接啲講就係「廟細燈籠大」、再具體啲呢，就即「堀みなみ」咁樣樣啦！

今年24歲嘅「堀みなみ」，係一位剛出道冇耐嘅寫真新人。據佢早前接受「東スポWEB」訪問時指，佢高中畢業後，因為覺得女性加入建築業好有型，於是去咗做地盤現場監督，換言之係要「落Site」嘅前線員工。或者係因為工作關係，所以佢嘅興趣亦係相當麻甩嘅飲酒，仲號稱自己係一日飲15、6個鐘都唔會醉嘅「豪飲女」。

不過由於佢嘅H Cup身材太好，所以連佢媽媽都多次勸佢去拍寫真，再加上身邊朋友鼓勵，佢最終鼓起勇氣參加試鏡，結果一蹴而成成功出道。而且佢身高僅有150cm嘅關係，比例之下身材就更顯誇張，所以一出道就被稱為「能夠動搖「ミニグラ」界嘅黃金新人。而佢就認為自己雖然唔算年輕，但就有一張娃娃臉，所以希望未來十年都可以繼續從事寫真工作，並以登上雜誌封面為目標。

IG：minami__hori