絕大部球類運動嘅Fans都係以男人為主，所以當有個外貌身材都唔錯嘅女仔走出黎話自己都鍾意呢項運動，甚至仲打得唔錯，可想而知班球迷會有幾開心。好似今晚介紹嘅呢位「新谷あやか」咁，雖然外表可可愛愛咁，但就其實係個運動健將，熱愛棒球嘅佢投球速度更高達98km/h，堪稱「豪腕女星」！

睇樣未必睇得出嘅，係「新谷あやか」其實就黎步入30大關；更睇唔出嘅，係佢身高有成170cm，所以自小就參加各種運動。小學嘅時候佢係軟式棒球校隊，中學時就改為加入排球部。同時佢亦係一個棒球迷，從佢IG可見，佢由今年2月就已經開始努力練緊投球，當時嘅球速就已經到達96km/h，到上月初時佢再發佈新影片，球速再次提高到98/km。作為對比，一般成年男士嘅投頭速度大約為80至90km/h左右，接近100km/h已經係要接受過一定訓練，或者天份極高。由此可見「新谷あやか」嘅運動能力！

この投稿をInstagramで見る

新谷あやか　AYAKA SHINYA(@shinya.ayaka)がシェアした投稿

この投稿をInstagramで見る

新谷あやか　AYAKA SHINYA(@shinya.ayaka)がシェアした投稿

事實上佢會加入演藝界，亦係同運動有關。話說中學時期佢去日本全國高中排球比賽（即係春高），回程時經過原宿被星探發掘，隨後就作為通告藝人活動。一直去到上年6月，佢轉經理人公司嘅同時開始挑戰寫真，先有大家上面睇到呢啲靚相。雖然廿到尾先黎寫真出道係有啲遲，但運動美女獨有嘅魅力，或者都可以殺出一條血路？

IG：shinya.ayaka