日本媒體經常用啲咩「最強XX」黎形容寫真女星，情況頻密到我依家見到「最強」兩個字都會用批判性嘅目光去看待，「睇下你有幾強？」而今晚要介紹嘅呢位「佐山すずか」，就又係被形容為「最強」嘅一員，而且仲係「偶像界最強Body」，咁我哋就一齊睇佢有幾強！

現年18歲嘅「佐山すずか」出身於日本東京都，早於13歲時就已經於偶像團體「アクアノート」出道，於2020年離開原經理人公司後，再於2021年成為名古屋偶像團體「手羽先センセーション」（直譯係「雞翼Sensation」）嘅成員之一，目前一個人居住名古屋。雖然年紀輕輕，但佢其實自2021年6月起就已經拍攝寫真，到依家已經有足足三年經驗，各大雜誌都幾乎上過哂，拍攝寫真對佢黎講可以話係駕輕就熟。

而近日佢就再次為《FLASH》拍攝新一輯寫真，並獲得日本媒體廣泛報導，而且每篇報導都稱佢做「偶像界最強Body」。咁有碗話碗，「佐山すずか」身高有成164cm，身材數字則係37-23-36，的確係要乜有乜。至於係咪「最強」呢？我就留畀大家自己定斷啦。

IG：suzuka_tebasen