{ SKIP }
文:MenClub 魏文青  
POSTED ON 08 Jul 2024

寫真偶像靠外表走紅係不爭嘅事實,但隨住年紀漸長、身材走樣,佢哋嘅人條亦好可能會慢慢滑落,所以大部女星嘅寫真生涯都係去到三字頭左右就完結。而今日要介紹嘅呢位「菜乃花」亦唔例外,於日本寫真界活躍13年嘅佢,最近宣佈會於8月推出最後一本寫真集,大家要把握欣賞佢I Cup身材嘅最後機會啦。

新寫真預覽圖

以往寫真

昨日(7月7日)迎來35歲生日嘅「菜乃花」出身於日本廣島縣福山市,年輕時因為覺得於家鄉冇咩可以做,於是就決定搬去東京,曾經於下北沢嘅咖啡店打工。後來因一位做緊經理人嘅朋友覺得佢非常適合拍寫真,於是開展咗寫真生涯,於2011年、22歲時參加集英社舉行嘅「グラビアJAPAN」出道。雖然最終佢冇贏到任何獎項,但傲人嘅I Cup身材亦令佢打響名堂,同年再推出埋首隻寫真DVD,並以寫真女星身材一直活躍至今。

以往寫真

IG相

論產量,一年最多出兩、三隻寫真DVD嘅「菜乃花」並唔算多產,但就勝在寫真生涯夠長,所以於2011至2019年間都出咗16隻寫真DVD。不過佢於2019年,即係佢30歲時宣佈會從寫真DVD引退,隨後以Freelance身份進行其他寫真工作,到今年35歲生日前就宣佈會於8月推出最後一本寫真集,從最近於雜誌上公佈嘅寫真預覽圖睇,更有「露暈」演出,都算係搏到盡啦。

其實以35歲黎講,「菜乃花」都算係Keep得相當好,身材外貌都唔算有大幅走樣。唔知各位對於佢可能引退又會唔會感到可惜呢?

IG:nanoka0707

為咗要寫「深夜系列」,所以每次我見到啲日本靚女,都會上網搜尋下佢嘅資料,睇下值唔值得同大家介紹。但近日當我搜尋呢位「櫻井もえ」時,Google竟然帶咗我去幾個AV網!咁係咪代表呢位啱啱退團嘅前偶像成員轉戰成人 ...
girls
【深夜】Google佢個名竟然搵到AV?啱啱退團的偶像「櫻井もえ」
01 Sep 2025
喺以外表及身材行先嘅日本寫真界(甚至整個娛樂圈都係啦),女性嘅黃金年齡大都坐落於「十零歲到三十零數」之間,過咗呢個年齡段嘅唔係成功轉型,就係選擇引退做返個平凡人。不過今晚要介紹呢位「石岡 真衣」,就係 ...
girls
【深夜】曾加入「借錢女團」及「惠比壽」 解散後「石岡真衣」回歸寫真依然有市場
25 Aug 2025