喺香港，唔少人都以當演員為最終目的，所以你見好多初出道時行性感、Show身材嘅女星，於電影界站穩陣腳後就即刻封胸。但喺對於性感寫真更習以為常嘅日本，就反過來有演員嘗試拍攝性感寫真擴展人氣。好似今晚要介紹嘅呢位「古川杏」就係一個好例子啦。

現年21歲嘅「古川杏」，最早於14歲（即2016年）時，以小學生時裝雜誌《JSガール》嘅專屬模特兒之出道，短短一年後佢就以東京電視台嘅劇集《新宿セブン》踏上演員之路。隨後幾年佢主要於舞台劇界磨練演技，到2022年先後為TVQ九州電視台及鹿兒島電視台拍攝劇集，仲於《週刊Playboy》獻出首次寫真，迎來事業小高峰。

到最近佢又再以新寫真登上《週刊Young Jump》，性感身材令人氣再闖高峰。而「古川杏」亦相當識做，雖然平時IG只係會Post下生活照，但每逢有寫真推出時佢都會於IG頻頻Post相宣傳，與其他日常服飾相比就更見驚艷，連Fans都大讚佢事業線非常性感。所以你都可以去Follow佢個IG，咁佢下次出新寫真時你就唔使週圍搵圖啦！

IG：ann_furukawa