「同人」呢個詞原指「有共同興趣嘅人」，後來演變成對某種興趣非常有愛、有愛到自己「用愛發電」開始創作嘅人及其作品。換言之叫得「同人」就一定係非常鍾意呢個興趣。而今日要介紹嘅呢位日本女星「いくみ」，就係一位「同人寫真偶像」，亦即係佢好鍾意拍寫真畀大家睇，唔知大家又鍾唔鍾意睇呢？

年齡不詳嘅「いくみ」係個日本有名嘅Cosplayer兼「同人寫真偶像」。據知早期嘅佢其實係玩Cosplay為主，甚至為咗製作更精美嘅Cosplay服裝而走去學裁縫，結果亦真係累積到一定人氣，仲開始同其他Cosplayer以至寫真女星合作，結果連佢自己都開始拍攝同人寫真。「いくみ」除咗擁有出色嘅外表及身材之外，拍寫真時嘅表情及姿態都散發住濃厚嘅「色氣」，甚至連佢嘅談吐都非常大膽。例如佢於訪問時被到「戀愛對你黎講係啲咩」時，就回答「是做愛的原動力」，比起唔少男人都更加直接！

雖然「いくみ」嘅Twitter有超過70萬人追縱，所有社交平台加埋更輕鬆突破100萬Fans，但叫得做「同人」就代表Cosplay及寫真都唔係佢嘅正職，佢嘅正職其實係一個地產界嘅OL。另外佢亦被封為「同人寫真界的田中みな実」（現年37歲嘅前新聞主播寫真女星），除咗個樣有幾分似之外，亦可能代表佢年紀已經唔細。不過大家睇完佢啲相，應該都深深感受到「年齡只係數字」呢句說話啦？

IG：nomita193