我成日都話拍水著寫真係唔少日本女明星、偶像成員增加人氣嘅好方法，而今晚要介紹嘅呢位「里仲菜月」就可能係最新嘅成功例子。出道8年嘅佢自從今年春天寫真解禁之後就人氣急升！

現年21歲嘅「里仲菜月」，自小學5年級就於原宿被星探發掘而加入經理人公司，隨後就同「熊澤風花」及「白岡今日花」另外兩位美少女組成女團「Task have Fun」，並一直活動至今。比起兩位年長一歲、而且早早就拍過寫真嘅隊友，「里仲菜月」或者未必係傳統意義嘅美女，但佢嘅一對丹鳳眼就相當有記憶點，甚至可以話有啲「超模」樣。今年4月佢終於寫真解禁後，大家更可以欣賞到佢165cm高帶來嘅大長腿，以及平時唔多覺眼嘅好身材，實在係別有一番魅力！

「里仲菜月」接受《週刊Playboy》訪問時提到，寫真解禁之後唔少Fans都表示大力支持。不過略為尷尬嘅由於佢好細個就出道，唔少跟咗佢好多年嘅Fans係名符其實地「睇住佢大」嘅「叔叔Fans」，所以有Fans表示寫真佢哋有買有支持，但就唔太好意思睇。大家睇完上面啲相，或者都會認同呢班Fans走寶啦。

IG：natsuki_satonaka