所謂「小時了了，大未必佳」，好多時一個人或者擁有於某一方面達到好高成就嘅天賦及潛力，但就因為種種原因而未能如願發展，最終只得到令人失望嘅結局。但「未必」，就代表有啲人係「小時了了，大又真佳」。好似今日要介紹呢位STU48成員「石田千穂」咁，就絕對配得上小時候大家對佢嘅評價啦！

現年22歲嘅「石田千穂」出身於日本廣島縣嘅山區之中，就連去廣島市都需要長途跋涉。但天生麗質嘅佢於幼年時就已經走出山區，成為小童模特兒，亦從此啟發佢想成為偶像的志願。10歲時佢加入當地有名嘅廣島演員學校（ASH），就學期間就已經被視為整間學校嘅「眠れる大器（沉睡中的英才）」，有出版業人士更稱佢為「近年難得的真．偶像，有超越渡邊麻友成為超王道偶像嘅潛力。」

事實上佢亦不負眾望。2017年成功通過STU48嘅徵選出道後，於短短一年內就已經於2018年嘅「末代」AKB總選中獲得99名。2020年更已經可以開到個人演唱會，成為當時團內繼來自AKB48嘅「岡田奈々」，以及STU48台柱「瀧野由美子」後嘅人氣第三名。同年佢亦推出首本個人寫真集踏足寫真界。

而黎到4年後嘅今時今日，「石田千穂」人氣穩步上揚嘅同時，亦於10月推出第二本個人寫真集《太陽って何色?》，當中更首次穿上內衣及於浴缸內拍攝，結果同樣大受歡迎。或者大家都可以留意佢未來嘅發展啦。

IG：chiho_ishida