「大江東去，浪淘盡，千古風流人物」一句出自蘇軾嘅《念奴嬌》，講緊嘅係三國時代令周瑜一戰成名嘅赤壁之戰。而今晚要介紹呢位「大江れな」除咗個名同首詞有幾分相似之外，早前亦成功一戰成名，正式踏入寫真界嘅領域！

現年24歲嘅「大江れな」，係日本偶像團體「KissBee」嘅成員之一。「KissBee」最早於2014年已經成軍，到今年剛好迎來10週年紀念，而2016年以第三期生身份加入嘅「大江れな」，亦已經係現役團員中資歷第二深嘅一位。從出道時間、團員變動頻率、以及大家對佢哋嘅認識（我估就係「零」啦下），大家都可以估到「KissBee」過去嘅發展只能算係不過不失。

不過九月時佢哋參加號稱「日本最大偶像Expo」嘅「JAM Expo」時，「大江れな」就於主辦方與雜誌《週刊Spirit》合辦嘅「スピジャム」人氣票選中獲得第一，除咗為組合賺到名氣之餘，近日佢本人亦獲邀於《週刊Spirit》獻出寫真處女作。雖然「大江れな」身高只有154cm可能略嫌嬌小，但勝在身材比例唔錯而且笑容可掬，白滑肌膚亦為佢加分唔少。未來或者有力於寫真界站懲陣腳，成為下一位「風流尤物」都未定架！

IG：rena_happy_4