講起日本女團SKE48，大家第一時間諗起嘅，或者係前AV女優三上悠亞。而近日另一位前SKE48成員「北野瑠華」，竟然亦走上「全裸」嘅路線，不過人哋就唔係下海，只係拍全裸（但不露點）嘅性感寫真啫！不過你又唔使太失望呀，因為啲寫真都幾好睇架！

現年25歲嘅「北野瑠華」，自2013年就以六期生身份加入SKE48，所以其實同2014年先退團嘅三上悠亞（當時仲係叫鬼頭桃菜）做過隊友。2017年時佢除咗首次被選為單曲成員之外，亦於當年嘅AKB總選前被選為「#注目の100人」之一，並因為於宣傳照中展示出好身材而被譽為「SKE美乳」代表。但或者係因為偶像包袱嘅原因，當時嘅「北野瑠華」並無大舉進軍寫真界，大家亦只能偶爾從其他渠道欣賞佢嘅好身材。

但自今年6月正式從團體畢業之後，「北野瑠華」就先後登上《FLASH》及《週刊Playboy》等日本著名寫真雜誌。更重要嘅係9月時仲推出首本個人寫真集《触れて、みる？》，入面唔單止無一件衫係有好好著上身，甚至仲有唔少全裸畫面，令佢人氣瞬間衝破天際。近日甚至加碼，用當時冇選入寫真集嘅其他照片，再出一本「番外篇」《ずっと、触れたままで》。睇黎佢離團之後係揀啱發展方向啦！

IG：rukakitano0525