「明日花キララ」大家都識啦係咪？亦好清楚佢之前係咩身份啦係咪？但你又知唔知佢退役之後究竟有咩搞作呢？除咗經營自己嘅社交媒體、閒時同人嘈下交之外，其實明日花於2021年更加做老闆開咗間陪酒孃酒吧「J-VOGUE」，據聞店內所有陪酒小姐都係佢親自挑選。而今晚要介紹呢位「林あいり」，就係「J-VOGUE」嘅陪酒小姐之一，換言之佢嘅姿色及技巧（陪酒，講緊陪酒技巧）好可能得到明日花嘅認何！

據「J-VOGUE」官網資料顯示，現年24歲嘅「林あいり」出身於日本神奈川縣，但大家見佢姓「林」都或者估到佢嘅血統並不單純。據佢個人IG上嘅自我介紹，佢其實來自一個日本籍嘅韓國人家庭，而且屋企總共有七兄弟姊妹，而佢就排行第五。事實上佢之所以會成為陪酒小姐，亦同屋企太多人有關。據佢早前接受《Smart Flash》訪問時透露，由於好難搵到地方畀佢哋一家九口住埋一齊，所以後來佢就同二家姐一齊搬出去，並開始意識到要自己賺錢養家，所以先決定投身於陪酒孃事業。

而另一樣多得屋企嘅，就係佢嘅好身材。佢於上述同一個訪問中表示，媽媽於佢細細個時就立志培育佢嘅胸部，更不時會幫手按摩疏通經脈，結果就係佢依家呢副唔算誇張，但仍有睇頭嘅Body。去年4月開始，佢更與擁有「橋本梨菜」、「葉月あや」等著名寫真女星嘅「R.I.P」經理人公司簽約，正式出道踏足寫真界——你話明明老闆係明日花，點解係入寫真界而唔係入…嘅呢可？

IG：airi_el12