{ SKIP }
文:MenClub 魏文青  
POSTED ON 27 Jan 2025

如果你走去問啲女星、網紅點解要出寫真,點解要拍性感相,咁你好可能會得到「紀錄自己青春嘅時候」呢個答案。至於個答案可唔可信啦喎…通常就係大家見仁見智。不過如果係今晚要介紹呢位「那蘭のどか」同我講佢出寫真係為咗「紀錄自己青春嘅時候」,我又真係會信。事關佢黎緊會出嗰本寫真,竟然用咗3年先拍完,而且真係紀錄咗過去三年嘅起起伏伏!

現年19歲嘅「那蘭のどか」,最初係於2021年打敗近3000名參加者,成為日本著名女歌手「大森靖子」有份策劃嘅女團「ZOC」新成員而出道,當時仲叫做「鎮目のどか」嘅佢更被「大森靖子」稱為「與別不同的存在」,可見大家都對佢寄予厚望。事實上佢往後幾年嘅演藝事業發展亦相當唔錯,尤其係2023年為《Friday》獻出首次水著寫真後,更令佢人氣蒸蒸日上。

不過去年3月時,佢就突然宣佈會離開ZOC以及當時嘅經理人公司,並於同年9月改名「那蘭のどか」,加入人氣女團「iLiFE!」。黎緊2月6日更會推出首本個人寫真集《忘れたくない》儘情展現164cm嘅高挑纖細身材。

根據官方介紹,《忘れたくない》嘅拍攝期長達三年,橫跨「那蘭のどか」於前團體活動、高中畢業、加入「iLiFE!」前嘅空白期等各個時段,可以話真係紀錄咗「那蘭のどか」嘅「十令歲」嘅最後時光。或者大家睇佢本寫真集時都可以感受到佢嗰種「人家有女初長成」嘅改變啦!

IG:ilife_nodoka

隨住大家年紀漸長,生活慢慢穩定下來,甚至已經能夠預計到往後幾十年嘅人生會點樣過,有時真係不禁懷緬十八廿二嘅時光,嗰時嘅未知及希望的確係會令人精神一振。而今晚要介紹嘅呢位「ちばひなの」,佢嘅未來亦好可能 ...
girls
【深夜】未來可期!少女歌劇團副團長「ちばひなの」
21 Mar 2025
唔少男士都會話:「女人係有啲肉先叫好睇」。但其實佢哋想睇到嘅只係「生啱地方」、甚至係「只生喺啱嘅地方」嘅肉。但世事邊有咁完美呢?好似今晚要介紹嘅呢位「村重杏奈」咁,睇佢嘅寫真你會欣賞到豐滿上圍,但可能 ...
girls
【深夜】人如其名睇見都覺重 日俄混血「村重杏奈」忽肥忽瘦?
19 Mar 2025