雖然我知「深夜系列」介紹嘅女仔露得越多就越受歡迎，但我亦知道大家好多時都唔敢喺搭緊車呀、隔離有人嘅時候撳開黎睇。但今晚要介紹嘅呢位「吉田あかり」，或者就會唔一樣。事關佢天生自帶嘅時尚氣質，令佢啲寫真多咗幾分藝術照嘅感覺，就算被人「裝」到你睇緊女，都會覺得你係個有Taste嘅人嘛！

1月啱啱滿21歲嘅「吉田あかり」，其實早於13歲時就以少女模特兒身份加入日本藝能界，到2021年時佢先係出演人生首部電影《ペテロの帰り道》，然後又於年尾於《週刊Playboy》獻出初寫真，隨後就一邊拍戲拍劇演舞台劇，一邊以大約每年兩次嘅頻率拍寫真，算係兩邊同時兼顧。由於佢靚得黎充滿氣質，所以除咗成為時尚界、廣告界寵兒之外，就連影水著寫真時明明露出度唔低，都唔知點解冇咁色氣，反而自帶藝術美照感。

值得一提嘅係，去年嫁咗人嘅前NMB48成員「吉田朱里」嘅「朱里」讀音同樣係「あかり」，所以某程度上同我介紹呢位「吉田あかり」係同名同姓。所以如果大家想繼續支持「吉田あかり」的話，就記得唔錯認錯名啦。

IG：a__pon.ap