過去有唔少學術研究都指出，男人之所以覺得「十八廿二」嘅少女吸引，在於佢哋嘅身體狀態係最適合生仔，而男性基因中嘅天性付我哋於潛意識地被呢種狀態所吸引。但學術研究還學術研究，作為男人都知呢個世上唔只有「十八廿二」嘅女性吸引到我哋，甚至有啲女仔，係年紀變大之後先至更加吸引。好似今晚要介紹呢位「高崎かなみ」就係其中一個好例子啦！

黎緊7月就28歲嘅「高崎 かなみ」，早於中學一年級就已經入讀日本當地嘅藝能學校，為將來出道作準備。事實上佢18歲時亦成功加入女團「JKガールズ」、同時又做埋雜誌《CHOKi×CHOKi GiRLS》嘅專屬模特兒，前途似乎係一片光明。但點知去到當年年尾，雜誌就宣佈休刊，而佢亦失去活動方向。

一直去到2018年，佢嘅經理人公司勸佢改行水著，參加目前頗有名，但當時係第一屆嘅「Sanspo GoGo Queen」寫真比賽。當時嘅佢既覺得自己身材唔夠豐滿，過去做模特兒時累積嘅女中學生Fans又反對，所以非常猶豫。好在佢最終都有參加，而且纖瘦身型深得男性喜愛，最終成為比賽總冠軍之一，並開始其寫真之路。

而出道至今七年來，「高崎 かなみ」唔單止已經係雜誌寫真常客，更經常出演劇集及電影。而外表上佢亦有所改變，2022年時佢將一頭長髮剪短，結果出色顏值成功撐起新造型，令其人氣進一步攀升。同時佢亦於IG上自爆年紀大咗之後個人多咗肉，連上圍都升咗一Cup。結果就係依家大家見到呢個充滿女人味嘅佢。以佢依家呢個狀態，唔好講已經遠離「十八廿二」，我覺得去到「廿八卅二」都一樣深得大家喜愛啦！

IG：kanami_takasaki