大家知道「肥」同「豐滿」嘅分別喺邊嗎？兩者其實都係「有肉」咁解，但「豐滿」嘅人，啲肉就會生喺啱嘅地方。好似今晚要為大家介紹嘅呢位「福井梨莉華」咁，就好明顯屬於後者。唔係點解日本媒體要稱佢做「壓倒性的究極身材」呀？

現年20歲嘅「福井梨莉華」出身於岐阜縣，求學時期嘅佢曾經參加過好多運動，包括芭蕾舞、體操、排球、羽毛球等。後來因為見到同歲嘅「芦田愛菜」出演嘅電視劇而深受震撼，繼而產生進入演藝界嘅念頭。到高中畢業時咁啱先見到NHK名古屋正在招募《高校生日記～キミとつくる青春～》演員，所以就毅然參加徵選，最終成為合格並於2023年正式出道。

2024年佢為咗尋求更多機會，於是隻身一人搬去東京。同年就於公司安排之下，於《週刊Playboy》獻出自己嘅寫真處女作，隨後就憑住非常有肉感嘅豐滿身材火速成為各大雜誌嘅寫真常客。淨係2025年到目前為止，就已經推出13輯電子寫真，5月時更一口氣推出五輯，產量非常驚人。

更驚人嘅當然就係佢嘅凹凸有致嘅身材曲線，令日媒都為佢冠上「壓倒性的究極身材」稱號——唔知大家睇完佢啲相係想壓倒佢，定係畀佢壓倒呢下？

IG：fukuiririka