雖然話日本偶像會踏足寫真界並唔罕見，但今晚要介紹呢位「雪村花鈴」就可能當中比較特別嘅一位。事關佢去到寫真界唔係拍下雜誌寫真、出下寫真集咁簡單，而係推出寫真DVD！仲憑住被比喻為「棉花糖」嘅軟嫩Body成為有十萬人Follow嘅IG網紅。以下就同大家睇睇佢嘅靚相啦。

其實「日本寫真界」嘅範圍相當大，工作形式亦非常多樣。例如有女星係以拍雜誌寫真為主，累積足夠人氣去接其他工作；亦有女星一年出四隻寫真DVD（露骨程度有高有低啦下）、空閒時間就拍雜誌寫真維持曝光率；當然亦有人本職係偶像，偶爾拍下雜誌寫真做宣傳咁。

而現年23歲嘅「雪村花鈴」就係當中較為特別嘅人。佢早於2017年就以偶像女團「ナナランド」嘅創團成員出道，2020年時於雜誌《Flash》中獻出寫真處女作，次年就因為想以演員為目標而退團。而唔知係因為無咩演出機會定係想累積人氣，2022年時佢就轉戰寫真界，而且唔係拍雜誌寫真、出寫真，而係推出寫真DVD，憑著前偶像身份，加上自身嘅「棉花糖Body」成功打響名堂。

而且佢仲非常擅於利用社交網站宣傳自己。只要你打開佢個IG，就會見到幾百張性感泳衣靚相，非常養眼。而掌握「流量密碼」嘅佢人氣自然亦水漲船高，目前IG有超過10萬人追蹤。接下來嘅8月20日佢仲會推出首本個人實體寫真集，如果你都對佢有興趣不妨考慮入手啦！

IG：yukimura_karin