如果有留意日本體育新聞，或者會見過「一軍」、「二軍」呢類字眼，其實就即係講緊團體內嘅序列高低，當中以「一軍」為最高，即係隊伍中實力最勁、最重要嘅成員。而今晚要同大家介紹呢位「高橋かの」，就有個朵叫做「超一軍女子」，即係話佢比起實力最高嘅「一軍」都仲要再勁啲。以下就同大家睇睇佢究竟勁喺邊！

今日（25日）迎來24歲生日嘅「高橋かの」出生於日本北海道，早於4歲時就由媽媽帶著去做童星。但佢嘅成名作，就係於2019年及2021年參與Abema TV嘅戀愛綜藝《今日、好きになりました。》及《明日も好きでいて、いいですか？ Season 2》，並於節目中憑本身極有女友感及觀眾緣嘅出色外表，以及於後者中與另一位參加者岸慎一郎成為情侶令其人氣大盛。

有趣嘅係，哪怕算係名花有主、又哪怕佢本身嘅外表充滿大小姐嘅貴氣，拍完戀綜嘅佢卻於2023年起全面轉戰寫真界，到依家已經推出咗8隻寫真DVD、與各大雜誌合作出過10輯電子寫真。亦正因為寫真令大家發現佢除咗生得靚女，連身材等各方面都屬上乘水平，所以先有「超1軍女子」呢個人物設定。各位又覺得佢配唔配得上呢個稱號呢？

IG：kano0825